Sophie Elixhauser  

‘Suliniummut atatillugu siunnersortaaneruvunga, Piorsarsimassutsimullu Socialantropologiimullu immikkoortortaqarfimmi Wienip Universitetiani ilisimatusartuullunga. Ukiorpassuit Tunumut inuinullu atassuteqarsimavunga, Tasiilami pigisaanilu (ingammik Sermiligaami) ukiut 15-it iluini piffissaq annertooq atorsimagakku. Neriuppunga suliniut iluaqutigalugu silap pissusaata allanngoriartornera avatangiiserlu pillugt najugaqartut ilisimatuullu oqaloqatigiinnissaannut periarfissiissasoq kiisalu ilisimasanik akornanni paarlaasseqatigiittoqarumaartoq.

Socialantropologiitut inaarsaatiga tassaasimavoq München Universitetimi, fagit akimorlugit ilisimatusarnermi suliniuteqarneq: avatangiisi Filippininilu ineriartorneq sinaakkutaralugit ornigulluni suliaqarnermit tunngaveqarpoq. Ph.d.-lunga ilinniagaqarninni Aberdeen Universitetimut nuuppunga tassanilu issittoq pingaartumillu Kalaallit Nunaat ukkatarilerlugu. Ph.d.-liara 2018-mi Routledgeimi saqqummersinneqarnikoq, nammineq naalakkersuisoqarnermut Tunumilu innuttaasut akornanni attaveqarnermut tunngasuuvoq, avatangiisi inummut imaluunniit inuunngitsumut tunngatillugu immikkoortinneqarsinnaanngineranut itinerusumik naatsorsuutiginninnermit aqunneqartoq. Saniatigut Postdoc-itut inissisimaninni Augsburg Universitetimi sulisimavunga, Europami Alpini silap pissusaata allanngoriartorneranut qisuariaatinut paasinnittariaaseq suliutigalugu. Suliniutip uuma saniatigut Tysklandip kujataani nunasisarneq inunnillu isumaginnittarneq pullugit suliaqartarpunga.’